TUMIEÇ

Citât di grande mode tal ‘700



Palaçs, glesiis, edificis civîi a son testemoneancis preseosis de storie e scuviertis straordenariis de bande dal osservadôr atent e curiôs che al passe par chestis stradis. No stait a pierdisi i lûcs principâi di interès de Concje Tumiecine.

  • Glesie di Sante Catarine

    Glesie di Sante Catarine

     

    Tumieç –Place Mazzini Di origjin medievâl, ma tornade a fâ sù dal dut tal 1700, la Glesie di Sante Catarine e je, di simpri, un pont di riferiment religjôs e sociâl pai abitants di Tumieç.


  • Domo Sant Martin

    Domo Sant Martin

    Tumieç – Place XX Setembar

    Il Domo di Sant Martin al rapresente l’edifici religjôs plui impuartant de citât. Fat sù tal Sietcent, al merete une visite ancje dentri, dulà che a son conservadis oparis dai pitôrs venits Fontebasso, Novelli e Diziani e ancje la serie dai Apuestui, fate dal plui grant pitôr cjargnel dal Sietcent, Nicola Grassi.


  • Museu cjargnel des arts popolârs “M. Gortani”

    Museu cjargnel des arts popolârs “M. Gortani”

    Tumieç – centri storic

    Cul so patrimoni di ogjets e documents cetant siôr al è un dai plui grancj museus etnografics a nivel European. Lis colezions, midiant di documents e di ricostruzions, a presentin un aspiet impuartant de societât cjargnele dal XIV al XIX secul.


  • Palaç Frisacco

    Palaç Frisacco

    Tumieç - centri storic

    Poiât dentri dal centri storic tal borc vieri de roie, par difûr l’aspiet di Palaç Frisacco (XVIII) al è rindût zentîl par vie des liniis semplicis fatis tal Sietcent, des profiladuris in piere sculpide dai barcons e dal porton de jentrade. Par une vore di timp al è stât la sede de canoniche. Vuê, dopo de ristruturazion, fate dopo dal taramot dal 1976, al è destinât a centri espositîf civic par mostris di art.


  • Tor Picote

    Tor Picote

    Tumieç

    Pôc sore de citadine, da pît de Mont Strabût, si jevave il cjistiel o ben il palaç patriarcjâl. Al jere cenglât cuntune fuesse de bande de mont e cuntune muraie che e sierave i lûcs vicins lant jù fin a val. Tra il 1477 e il 1479 e fo fate sù la Tor Picote par difindi il borc e il cjistiel de menace dai Turcs. Lant sù a pît di vie Cascina, une strade laterâl di vie Rome, si pues rivâ a Pra-Cjistiel, dulà che al jere il Cjistiel e po si rive sù te Tor Picote. Di culì la viste e domine su dut il paisaç che al è ator e su la citât stesse.


  • Cjase Janesi

    Cjase Janesi

    Tumieç - Centri storic

    Residence antighe de famee Janesi che e pues jessi stade fate tal XV-XVI secul, e rapresente une des pocjis sorevivencis di edilizie civîl tarde medievâl presintis in citât. La façade, cumò di muradure cu lis pieris a viste, in origjin e veve di jessi cuvierzude di afrescs cun motîfs gjeometrics. Al reste cualchi segn tai tocs conservâts te part alte de façade. A son une vore carateristichis lis biforis cul arc formât di trê arcuts plui piçui e tignudis sù di colonutis in stîl gotic venezian.


  • Il Borc di Dieç

    Il Borc di Dieç

    Il Borc di Dieç

    Il Borc di Dieç al è spes clamât “il paîs dai arcs” par vie che culì a son tantis cjasis cun puartis o ben portâi fats a forme di arc, ma Dieç al conserve ancje altris particolaritâts artistichis e architetonichis scomençant des testemoneancis archeologjichis cjatadis fûr sot des glesiis di Sant Florean, di Sant Pauli e di Sant Vît e dongje de zone clamade Cjistiel dal Broili, fintremai ai mulins dal Sîscent. Un di chescj, il Mulin dal Flec, al funzione ancjemò in dì di vuê.


  • Plêf di Sante Marie di là de Bût

    Plêf di Sante Marie di là de Bût

    Tumieç

    Fate sù intun puest frecuentât fin dal periodi pre-roman, la glesie e fo tornade a fâ sù tal XVI secul e i tornarin a meti man tal 1856. Dentri e à doi altârs in len di buteghe cjargnele fats tal 1700 e un batisteri in piere sculpide.


  • Biotop di Curiedi

    Biotop di Curiedi

    Tumieç – Fusee

    Al è un dai ambients naturâi plui interessants de Cjargne. Un troi naturalistic, furnît e prontât cun panei didatics, i permet al visitadôr di traviersâ dute la zone caraterizade di trê grandis torberis e di une varietât vegjetâl cetant siore.


  • AdMuseum

    AdMuseum

     

    Rêt transfrontaliere pe acessibilitât fisiche e culturâl ai programs naturâi e dai museus dai spazis urbans.


     


Eventi Eventi Eventi

Punto di Gusto - Un viaggio tra le specialità italiane

1, 2, 3 ottobre 2021
Piazza XX Settembre,...
[continua]
Eventi Eventi

Punto di Gusto - Un viaggio tra le specialità italiane

1, 2, 3 ottobre 2021
Piazza XX Settembre,...
[continua]
curiosità e informazioni