TUMIEă

CitÔt di grande mode tal Ĺ700

Tolmezzo - Citt´┐Ż di gran moda nel '700 Tolmezzo - Citt´┐Ż di gran moda nel '700

UNE SPASSIZADE IN CIT┬T

Tra palaçs nobiliârs elegants, glesiis dal Sietcent, puartis e passaçs cuvierts, il timp tal centri di Tumieç al cor tal segn de scuvierte di une citât alpine di un incjant unic. Cjaminant dilunc vie pes stradis dal centri si puedin amirâ lis façadis dai edificis che une volte a jerin des fameis in podê dal puest, si pues lâ a viodi i tesaurs artistics preseôs che a son conservâts tes glesiis e tai museus, ma si pues fermâsi ancje par un aperitîf intun dai tancj locâi che a dan vite ae citât e passâ la serade lant al cine o a teatri.


TUMIEă MEDIEV┬L

Tra il XIII e il XIV secul Tumieç e jere une citadine cetant vive, impegnade in trafics e scambis comerciâi: dilunc de vie che ancjemò in dì di vuê e je cognossude come Borc de Roie (vie Del Din, vie Linussio), si insedarin in chest periodi piçui mulins e diviersis buteghis artesanis, ativis massime te produzion tessile. La citât e jere cenglade cun muris altis, disevot tors e trê puartis; une di chestis, la Puarte Disot, si pues viodile ancjemò ore presint. La Puarte disot, che si cjate te jentrade meridionâl dal centri storic e che e je stade fate tal 1200-1300, e fâs part di ce che al è restât des antighis muris de citât: al somee che culì si scuedessin i dazis su lis marcjanziis di passaç.

 

Pôc sore de citadine, da pît de Mont Strabût si jevave il cjistiel o ben il palaç patriarcjâl. Al jere cenglât cuntune fuesse de bande de mont e cuntune muraie che e sierave i lûcs vicins lant jù fin a val. Tra il 1477 e il 1479 e fo fate sù la Tor Picote par difindi il borc e il cjistiel de menace dai Turcs. Lant sù a pît di vie Cascina, une strade laterâl di vie Rome, si pues rivâ a Pra-Cjistiel (Pra-Castello), dulà che al jere il Cjistiel e po si rive sù te Tor Picote. Di culì la viste e domine su dut il paisaç che al è ator e su la citât stesse.


IL BORGAT

La zone plui viere de citât e je clamade Borgat e e corispuint a dulà che in dì di vuê e je Place Sante Catarine. Al somee che culì al vignìs fat il marcjât plui antîc, ricuardât tai documents storics fin dal XIII secul. In Place Sante Catarine si pues amirâ ancjemò Cjase Janesi, dal XV-XVI secul, che e rapresente une des pocjis sorevivencis di edilizie civîl di ete tarde medievâl presintis in citât. La façade, cumò di muradure cu lis pieris a viste, in origjin e veve di jessi cuvierzude di afrescs cun motîfs gjeometrics. Al reste cualchi segn tai tocs conservâts te part alte de façade. A son une vore carateristichis lis biforis in stîl gotic venezian.

Cuasi in face e je la Glesie di Sante Catarine, di origjin medievâl, ma tornade a fâ sù dal dut tal 1700. Dentri a son diviersis oparis di artiscj dal puest e une pale preseade, fate tal 1537, che e rafigure il Sposalizi di Sante Catarine e che pal solit e je atribuide a Pomponi Amalteo, dissepul dal Pordenon.

Pôc plui indenant, continuant a cjaminâ sot dai puartis di vie Rome, viers dal centri de citât, si cjate Palaç De Marchi, une volte doprât tant che sale par teatri e cine, che al à la façade che e je stade disegnade dal innomenât architet Raimondo D’Aronco.


IL C█R DE CIT┬T

Il Domo di Sant Marin al da su la place principâl de citât, place XX Setembar. L’edifici di cumò al è stât fat sù tra il 1752 e il 1764 su progjet di Domenico Schiavi, un tra i plui grancj architets furlans dal XVIII secul, tal puest di une glesie che e jere stade fate li prime. In chest periodi la citât cjargnele e vîf une buine stagjon economiche, testemoneade dal fat che a forin comedâts diviers edificis e a forin fatis sù gnovis residencis di fate signorîl come Palaç Linussio, Palaç Campeis, Frisacco e Garzolini. In chest clime di benstâ e di rinovament si scomence la costruzion dal Domo, che, cu lis sôs grandis dimensions e la ricjece decorative dal didentri, al riflet ben il contest edilizi dinamic e la evoluzion de societât tumiecine. Il didentri, decorât cun ricjece, al conserve afrescs e telis di pitôrs dal puest dongje di oparis fatis di cualchidun tra i artiscj venits plui innomenâts in chê volte.

Lis tantis oparis tignudis cont tai edificis eclesiastics, une architeture uniche che e je il risultât di influencis venitis cumbinadis cun formis locâls, dutune cu lis struturis museâls cognossudis in dute la regjon, a fasin di Tumieç une citât di art ad in plen.

Lis colezions di Palaç Campeis, sede dal Museu cjargnel des Arts e Tradizions Popolârs, a son une tra lis plui impuartantis racueltis di materiâi etnografics de regjon, risultât dal lavôr di ricercje paziente che Michele Gortani (1883-1966) al fasè sul teritori de Cjargne scomençant dal 1920. Il museu al documente la vite, il costum, la agriculture, la industrie de Cjargne traviers dai timps, cun racueltis impuartantis di imprescj, vistîts e cu la ricostruzion di ambients tipics (cusinis, cjamaris di durmî, tinei, buteghis antighis). Par completâ il viaç artistic te capitâl de Cjargne, no stait a fâ di mancul di lâ a viodi Palaç Frisacco, dulà che a vegnin inmaneadis mostris temporaniis interessantis dedicadis ae art contemporanie.


PALAă LINUSSIO

Un tra i edificis plui prestigjôs de citât, pôc lontan dal centri storic, al è Palaç Linussio (1741). Fat fâ dal innomenât imprenditôr dal Sietcent Jacopo Linussio su progjet dal architet Domenico Schiavi, la costruzion e cumbine intun sôl spazi la aree residenziâl cun chê destinade ae ativitât industriâl. Il cuarp centrâl, che di flanc al à dôs barcjessis, al è destinât al ûs abitatîf; par daûr dôs alis largjis, che une volte dilunc vie a vevin i canâi, a sierin dentri une cort di grandis dimensions e a segnin i ambients risiervâts al lavôr. Il didentri de residence, vuê viert al public in ocasions raris e speciâls, al ripropon la tipologjie classiche dal palaç nobiliâr cuntun grant salon centrâl cun balustrade e decorât cun sontuositât. I afrescs su lis parêts e sul sofit che a rafigurin senis storichis e mitologjichis a dan al ambient chê funzion di rapresentance che al veve di vê tal Sietcent. Une capele nobiliâr elegante avodade a Marie Anunziade e de stesse ete dal cuarp di fabriche e complete il dut. Tal 1788 il taramot al ruvine in maniere serie lis fabrichis e la ativitât si siere tal 1818. In dì di vuê Palaç Linussio al ospite la caserme Cantore.

Eventi Eventi Eventi

Punto di Gusto - Un viaggio tra le specialitÓ italiane

1, 2, 3 ottobre 2021
Piazza XX Settembre,...
[continua]
curiosit´┐Ż e informazioni Da non perdere

Glesie di Sante Catarine

Tumieç –Place Mazzini Di origjin medievâl, ma tornade a fâ sù dal dut tal 1700, la Glesie di Sante Catarine e je, di simpri, un pont di riferiment religjôs e sociâl pai abitants di Tumieç.

Eventi Eventi

Punto di Gusto - Un viaggio tra le specialitÓ italiane

1, 2, 3 ottobre 2021
Piazza XX Settembre,...
[continua]
curiosit´┐Ż e informazioni Da non perdere

Glesie di Sante Catarine

Tumieç –Place Mazzini Di origjin medievâl, ma tornade a fâ sù dal dut tal 1700, la Glesie di Sante Catarine e je, di simpri, un pont di riferiment religjôs e sociâl pai abitants di Tumieç.