TUMIEÇ

Citât di grande mode tal ‘700

Tolmezzo - Città di gran moda nel '700 Tolmezzo - Città di gran moda nel '700

ART E CULTURE

La Storie de citât e je testemoneade dai elegants palaçs nobiliârs, dai siei puartis e des cjasis di dimension plui modestis che si dan la volte te antighe zone dal Borgat, strente intor di Place Mazzini. Culì si pues amirâ la Glesie di Sante Catarine, tornade a fâ sù tal Sietcent, dulà che e je conservade une tra lis miôr oparis di Pomponio Amalteo, la pale dal Sposalizi di Sante Catarine (1537). Cuasi in face ae glesie si note la façade elegante di Cjase Janesi (XV secul), cu lis biforis tipichis in stîl gotic venezian. Di chi si pues continuâ viers il centri cuntune piçule spassizade magari fermantsi a fâ cualchi compre tra i puartis e i passaçs cuvierts carateristics dal puest.

Place XX Setembar e je il cûr de citât. Su cheste place a dan edificis istituzionâi storics come il Palaç dal Comun e Palaç Garzolini, sede dal tribunâl, e il Domo di Sant Martin dal 1700. Dentri si conservin cetantis oparis di fate di alt nivel fatis dai pitôrs venits Bassano, Diziani e Novelli. A meretin une menzon particolâr i afrescs di Angelo Schiavi, la pale dal altâr di Fontebasso, lis telis dai Evangjeliscj e dai Apuestui dal cjargnel Nicola Grassi e la pile de aghe sante dal 1500 atribuide al mestri comasc Bernardino da Bissone.

A nord de place principâl, passât il borc che al ven clamât Borc de Mufe (vie Ermacore, Place Garibaldi), o conseìn di lâ a viodi Palaç Campeis, sît dal Museu cjargnel des Arts Popolârs “Michele Gortani”, dulà che e je conservade une des racueltis internazionâls plui sioris di oparis e ogjets de art popolâr. Dal stes interès dal pont di viste artistic al è Palaç Frisacco, costruzion dal 1700 che si cjate a sud de place e che e je la sede prestigjose di esposizions e mostris di art.

Pôc lontan dal centri si cjate Palaç Linussio, progjetât dal architet tumiecin Domenico Schiavi, sede antighe de fabriche e de residence dal industriâl Jacopo Linussio, cumò di proprietât militâr. Dentri il palaç al conserve impuartants ciclis di afrescs e basrilêfs tal straordenari salon centrâl.

Eventi Eventi Eventi

Punto di Gusto - Un viaggio tra le specialità italiane

1, 2, 3 ottobre 2021
Piazza XX Settembre,...
[continua]
curiosità e informazioni Da non perdere

Glesie di Sante Catarine

Tumieç –Place Mazzini Di origjin medievâl, ma tornade a fâ sù dal dut tal 1700, la Glesie di Sante Catarine e je, di simpri, un pont di riferiment religjôs e sociâl pai abitants di Tumieç.

Eventi Eventi

Punto di Gusto - Un viaggio tra le specialità italiane

1, 2, 3 ottobre 2021
Piazza XX Settembre,...
[continua]
curiosità e informazioni Da non perdere

Glesie di Sante Catarine

Tumieç –Place Mazzini Di origjin medievâl, ma tornade a fâ sù dal dut tal 1700, la Glesie di Sante Catarine e je, di simpri, un pont di riferiment religjôs e sociâl pai abitants di Tumieç.