SAV‘RS E PRODOTS CARATERISTICS

La Cjargne par ducj i guscj


Ricetis golosis di provâ sui fornei di cjase par tornâ a cjatâ i savôrs speciâi de Cjargne.

 

 

TOCJ IN BRAIDE

Ingredients (par 4 personis)

2 dl di aghe, 200 gr di farine di sorc, 300 gr tra formadi di malghe fresc e scuete frescje, 1 dl di lat, 100 gr di spongje

 

Preparazion dal plat

Pe polente, fâ bulî la aghe cuntun pôc di sâl intune cjalderie. Strucjâ a ploie la farine messedant cun vigôr cul sbatidôr par che no si formin grops; cuei par almancul 30 minûts. In bande, fondi a bagnomarie i formadis cul lat e sbati dut fin che si rive a vê une creme fluide. In fin rustî biel planc la spongje e la farine di sorc fin che a deventin colôr nole. Meti la polente mulisite tal mieç dal plat e spandi parsore la creme di formadi e la spongje rustide.

 

 

TRUTE FUMADE CUN GJELÂT DI COÇUTS

Ingredients (par 4 personis)

8 fetinis di trute fumade, riduzion di asêt balsamic, ¼ lt di sbrume, 1 coçut, 100 gr di farine “00”, vueli di ulive ce che al covente, sâl e pevar ce che al covente, 80 gr di spongje, 100 gr di mascarpon

 

Preparazion dal plat

Gratâ e cuei il coçut cul vueli di ulive. Fâ boli la sbrume cul mascarpon e zontâi il coçut gratât. In bande, disfâ la spongje e metii dongje la farine. Sbati dut insieme il coçuts, la sbrume e il mascarpon e dopo strucjâ dut te spongje e te farine. Fâ cuei fin che al devente avonde penç. Meti il dut intune scudiele e lassâ che si disfredi intal frigorifar. Meti lis fetinis di trute tal mieç dai plats e zontâi il gjelât di coçuts. Decorâ cun riduzion di asêt balsamic.

 

 

CJARSONS

Ingredients (par 4 personis)

Pe paste: 300 gr di farine “00”, une prese di sâl, 2 dl di aghe; pal riplen: 150 gr di luianie fumade, 1 cartufule bulide sfracaiade, mente taçade fine fine ce che al baste; pal didentri: 100 gr di spongje, 70 gr di farine di sorc.

 

Preparazion dal plat

Preparâ la paste e lâ indenant come par fâ i rafioi, metile jù fine fine e taiâ discs di 5 cm di diametri. Pal riplen passâ la luianie fumade in padiele cuntune cocule di spongje e zontâ la cartufule bulide sfracaiade; taçâ il dut cetant fin e zontâ la mente taçade. Jemplâ i discs che a son stâts taiâts prime e sierâju a miezelune. Cueiju in cetante aghe salade par almancul 8 minûts. Servîju cuntune prese di mente taçade e cuinçâju cuntun tocj fat cu la spongje e la farine di sorc.


Eventi