IL PROGJET TURISTIC

Il progjet par tornâ a dâ vite al cumierç e al turisim de Concje Tumiecine al è stât fat in gracie dai contribûts statâi e regjonâi ex L. 266/97.

Lis aministrazions cjapadis dentri in chest progjet, judadis di consulents specializâts, si son impegnadis a rinfuarçâ l’orientament turistic dal teritori, proponint imprescj comunicatîfs par dâ acet e informâ i visitadôrs su lis atrativis principâls dal puest, su lis oportunitâts pal timp libar, su lis struturis ricetivis, la ristorazion, il fâ compris.

La idee progjetuâl si è concretizade, duncje, intune schirie di azions indreçadis ae ricualificazion turistiche e culturâl e ae promozion comerciâl dal teritori dai cuatri Comuns de Concje tumiecine midiant de instalazion sul puest di panei e targhis informativis cun finalitâts turistichis e divulgativis, la preparazion di cartei promozionâi, la publicazion di materiâi promozionâi di cjarte e la preparazion di un spazi web riviodût tes formis e tai contignûts e dedicât ae presentazion dal teritori e des sôs risorsis.