LA ASSOCIAZION INTERCOMUNÂL CONCJE TUMIECINE

La Associazion intercomunâl Concje Tumiecine, che e da dongje i comuns di Damâr, Cjavaç, Tumieç e Vergegnas, e je stade metude adun inte Vierte dal 2006 cu la finalitât di miorâ la cualitât dai servizis e di razionalizâ lis risorsis umanis e economichis dai cuatri Comuns. La Leç Regjonâl n. 1/2006 di fat e previôt che i Comuns a puedin fâ lis lôr funzions e gjestî i servizis in forme associade, daûr di chel vecjo principi che al dîs che “la Union e fâs la fuarce”. In cheste maniere la Leç Regjonâl e à come fin chel di rindi plui buine e eficiente la azion dai ents locâi. I organisims di coordenament de associazion intercomunâl a son: - La Conference dai Sindics, che e esamine dutis lis cuistions che a son tignudis di interès di ducj cun chê di cjapâ sù liniis di orientament omogjeniis cu lis ativitâts dai diferents Ents. – Il President de Associazion Intercomunâl, che al ven elet de Conference dai Sindics. Il so mandât al è di un an e passât chest al ven elet un altri President daûr dal criteri de rotazion. Il Segretari Comunâl dal Comun di Tumieç (comun vuide), che al sigure il coordenament de ativitât de Associazion e dai singui esercizis associâts cun riferiment particolâr a la metude in vore dai programs e dai obietîfs fissâts. – I Responsabii dai Servizis Associâts, che a son i responsabii de gjestion e che a doprin lis misuris che a coventin par realizâ la conession tra dutis lis struturis comunâls interessadis ae gjestion associade dai servizis, metint in vore i orientaments e i obietîfs fissâts. – La conference dai Responsabii, che e à a cjâf il Segretari Comunâl dal comun vuide e che e fâs ativitâts di sburt, coordenament e verifiche tai confronts dai uficis comuns. – L’Ufici di Coordenament Operatîf, che al sta daûr de distribuzion des risorsis umanis e strumentâls, al fâs di supuart ae conference dai sindics inte ativitât di programazion e che al trasforme lis liniis programatichis inte ativitât operative dai responsabii dai uficis comuns.