• Conca tolmezzina
  • Conca tolmezzina
  • Conca tolmezzina
  • Conca tolmezzina

Tumieç, capitâl de Cjargne, si slungje sul grant fonts de val dal flum Tiliment, lassantjur lis primis rivis a lis piçulis e carateristichis frazions. Fasêt une soste! O discuvierzarês une citât alpine uniche par vie dai siei palaçs nobiliârs elegants, des glesiis antighis e des stradutis sugjestivis dal centri storic. Une cjaminade plasevule tal segn dal fâ compris, passant par puartis e passaçs cuvierts, us puartarà tal cûr de citât, animât di boutique, laboratoris gastronomics, cine e teatri.

Jentrant in Cjargne, Damâr al è il paîs des aghis, des pissandis, dai piçui lâts. Culì ogni an si festeze un event gastronomic che no si pues pierdi: la Fieste dal gjambar, in onôr de liende che, di gjenerazion in gjenerazion, si tramande in chest paîs. De bande di misdì lis alturis di Vergegnas si spieglin intun piçul lât artificiâl cun aghis verdis, biel che la crete e la plêf di Cesclans a sierin la concje e a scuindin la viste dal lât di Cjavaç, il plui vast de regjon.